زهرة من بستان منطقة بورسعيد – إيمان محمد محمد فرغلى

من هى ؟

 الاستاذة إيمان محمد محمد فرغلى ولدت فى 12/9/1956 حاصلة على بكالوريوس المعهد الفنى العالى للبصريات 1978 وقد بدأت عملها 14/11/1982  وهى تعمل فنى بصريات بالمنطقة الطبية منذ بداية عملها و كان يتبع الفرع ثم أل إلى المنطقة الطبية  .

الاستاذة إيمان متزوجة و أم لثلاثة أبناء هم ا/ أحمد و هو يعمل فى قطاع البترول وا/ مصطفى موظف بالكويت و ا/ صفاء و هى الان استاذ مساعد بكلية التربية النوعية قسم تربية فنية و حصلت اليوم الخميس 6/12/2012 فى تمهيدى الماجستير على تقدير امتياز 100%

كلام الناس 

 ا/ أمانى شعبان عياد

 "هى من الناس الذين يتسمون بالطيبة و الرقة و حنان القلب و مع ذلك فهى عاقلة جدا و تناقش الامور بواقعية و تواجه من أمامها بحقيقة الامور مهما كانت صعبة و لكن بحنان الام و مرة سمعتها بتقول انها عايزة تعمل معاش مبكر فأنزعجت جدا فقالت لى عشان خاطرك أنتى مش هعمل معاش مبكر 

مدام إيمان تستاهل كل خير و ربنا يبارك لها فى صحتها و فى اولادها و ينعم عليهم بالسعادة و الهناء "

ا/ أمل أبو الحسن بمخازن المنطقة

"مدام ايمان أخت عزيزة عندى و أم حنونه عطوفه شغوفه على مصلحتى و تخاف عليا قوى و مدام إيمان صديقة و مش عارفه أقول أكثر من انها صديقة تحمل اسمى معانى الصداقة فى الدنيا و هى إنسانة مؤدبة و مؤمنه و صادقة فى كلامها و فى معاملتها مع أى إنسان "

ا/ أمانى الجيار بمركز بصريات المنطقة

" أختى و صديقتى و عشرة عمر و من أحسن الناس فى التأمين الصحى "

ا/ غادة النجدى نظم معلومات الفرع

"مش عارفة اقول ايه مهما هنقول كلنا مش هنوفيها جزء من حقها هى انسانة محترمة جدا جدا وخلوقة جدا جدا جدا ربنا يبارك فيها ام واخت وصديقة امينة ( حنان وحب الام وعقل ورزانة الاخت الكبرى) خير من عرفت فعلا واتشرف بصداقتها فى التأمين والله انى لا ازكيها على الله ولكنى احسبها كذلك ربنا يبارك لنا فيها ويجزيها عنا خير الجزاء "

ا/ ماجدة زكى - مديرة معهد التمريض 

مدام ايمان من الزميلات المحترمة وانا بعزهاوربنا يوفقها للخير

‏

ا/ مرفت العربى - مدير الشئون الادارية بمستشفى التضامن 

والله محترمه محترمه ربنا يعطيها الصحه

‏ا/ هيثم منصور - إدارة التفتيش و المتابعة بالفرع 

ربنا يبارك فيها وفي الاسره احمد ومصطفي و د صفاء ويتم عليهم فضله فهم حقا عائله محترمه

أمانى حارس - مسئول الاحصاء بعيادة بورسعيد الشاملة

 مدام إيمان من الناس المحترميين وتستحق التقدير

ا/ حسين جمعة  - مستشفى المبرة

من المحترمين فى التأمين 

 ا/ مصطفى فهمى 

 احلي واحن ام فى الدنيا وربنا معاكى ويوفقك دايما 

 لمحات عن شخصيتها

1.    الزهور المفضلة : البنفسج

2.    الهدية المفضلة لها : الزهور المنسقة بشكل جيد

3.    مكان : أحب مكان لى البيت

4.    وقت : فترة علاج إبنى مصطفى و أحمد كانت اوقات عصيبة جدا

5.    لون : الاصفر

6.    طعام : الاسماك

7.    هواية : الكروشية و المطبخ

8.    حلمها : نجاح اولادى

9.    نصيحة : " إتقى شر من أحسنت إليه  "

10.                       احب الناس لها و أكثرهم تأثير فيها : الاب

11.                       أهم شئ نجحت فيه : أن أكون أم بدليل اولادى و الحمد لله ربيتهم و فخورة بهم

12.                       أهم شئ فشلت فيه : أن يكون لدى محل بصريات

أبيض و أسود

الايجابيات الموجودة فى العمل

وهل تشعرين أنت بالايجابيات ؟

السلبيات

كلا يغنى على ليلاه أو بمعنى كل واحد بيقول نفسى ثم نفسى وورائى الطوفان

كلمة إشمعنى فلان أخذ أكثر منى أو إشمعنى فلان إستفاد عنى أو أو أو

إقتراحات يمكن تنفيذها

أتمنى من الله عز و جل أن يوحد شملنا و نكون حبيايب نحب بعض قوى و نتمسك بالصبر حتى تلبى كل المطالب

 (( ماذا تفعلى لو كنتى مكان ؟ ))

لو كنتى مكان  د/ مرهف الموجى

توحيد كل الاموال و توزع بالتساوى بين الجميع ماعدا المديريين طبعا يتميزو لان المال مصدر غضب الناس

لو كنتى مكان  د/ عبد الرحمن السقا

ضم الصناديق و توزيع المبالغ بالتساوى فيرتاح الناس و يرتاح مدير الفرع عندما يرتاح الناس

لو كنتى مكان  رئيس الجمهورية

فى هذه اللحظة ( الخميس 6/12/2012 ) يتنحى عن الحكم برغبته و هذه شجاعة منه مثلما فعل عبد الناصر و انا واثقة ان كل الجموع الموجودة هتقول لا نتركه فى منصبه لانهم هيشعروا انه شجاع و ايضا تغيير او تعديل الدستور مثلما يرغب البعض

 رسائل قصيرة 

(( تحب تسمعى إيه ))