الهيئة العامة للتأمين الصحي Hio

فرع القناة و سيناء

أهم ألأخبار
دكتور سعيد محمود يتابع أعمال التطوير بمستشفى المبرة ببورسعيد
مطلوب مهندسين نظم معلومات للتعاقد مع الهيئة العامة للتأمين الصحي الشامل ببورسعيد
وزارة الصحة والسكان تطلق صفحة خاصة بالتأمين الصحي الشامل على موقع التواصل فيسبوك
وزيرة الصحة ومحافظ بورسعيد يتفقدان خطط تشغيل مستشفيات التأمين الصحي الجديد بالتعاون مع كبرى المستشفيات الخاصة
وزيرة الصحة ومحافظ بورسعيد يتابعان التجهيزات ونظم التشغيل بالمنشآت الطبية للتأمين الصحي الجديد
محافظ بورسعيد يزور مستشفي التضامن ويقدم التهنئة للمرضي بعيد الفطر .
فعاليات اليوم الأول من زيارة وزيرة الصحة لبورسعيد لمتابعة تجهيزات منظومة التأمين الصحي الشامل
تهنئة مدير عام الفرع بمناسبة عيد الفطر المبارك
إفطار جماعي تقيمه نقابة العاملين بالتأمين الصحي فرع بورسعيد
مسلمون ومسحيين التأمين الصحي بورسعيد يجتمعون بحقل إفطار جماعي نظمته نقابة العاملين بحضور مدير عام الفرع

.
ألأول نعرّف أيه هو ألامساك ؟؟
الطبيعى ... كل يوم مرة أو مرتين ندخل الحمام 
اللى مش طبيعى .. عدم الأخراج لمدة ثلاثة أيام ..
.
أسبابه : حاجتين ..
(!) اسباب مرضية ... وهذا يقرره الطبيب ..
(2) اسباب غير مرضية : وهو الشائع . وخصوصا بين الفتيات . وكبار السن .
.
العلاج  الدوائى )
(#) عوّد نفسك كل يوم . فى ساعة معينة . تخش الحمام . وأنا اُفضّل (بعد) الغدا .
بعد ما أهل بيتك يخلّصوا . ويقضوا حاجتهم ..
خش انت . وخد راحتك على الاخر .. وممكن تستعين بالشطاف للتسهيل .
وحاول تنزل . ولو حِته صغيرة . بعد كدا بكذا يوم . حتلاقى نفسك العملية أشتغلت حلو .
.
(#) لو جالك أحساس بالأخراج . فى أى وقت .... ما تستناش ...
أقرب حمّام . خش. وفضى . وانبسط 
.
العب رياضة كتير ... 
طب بلاش رياضى .. أمشى كتير ..... 
بلاش تمشى كتير ... نط الحبل .. 
أى رياضة واخلص .
"" لاحظ الرياضيين عُمرهم مايجيلهم امساك . لأن الرياضة والحركة الكتير .. بتمشّى القولون كويس جدا ""
لاحظها انت كدا . وجرّبها ؛ أمشى من دليسبس الى الاستاد . . حيبتدى القولون يتحرك ويشتغل . وتبتدى الارياح تخرج وتنطلق . وصوت السيارات تغلوش عليها ..
صدقنى ...ولو روحت البيت ساعتها .. حتفرج من أوسع الابواب ..
.
(#) مش لازم تنزل بالميكروباس أو التاكسى قدام بيت سعادتك بالظبط .... ممكن قبلها أو بعدها بحبة . وأمشيها ياأخى .. 
.
(#) ماتصليش الجمعة فى المسجد اللى تحت البيت ..
أمشى للجامع اللى هنااااااااااااااااااك وامشيها 
حتاخد ثواب كل خطوة .... وأهى رياضة ..

(#) أخترع أى مشوار . كل يوم ... وامشى . روح زور قرايبك مَشى .
أهو صِله للرحم . ومُلّين ..

(#) الأكل : 
أهم حاجة أن الأكل يكون فيه [ فيبر ] كتير ... يعنى ألياف ... 
ودا موجود فى (3) حاجات :
* الالبان 
* الخضار 
* الفاكهه
أقولك على نصيحة بس ماتقلش لحد ؟
عليك كل يوم تتعشى عدد (2) خس مُوَرْوِر .. مع برتقالة 
مع زبادى ومعلقتين ردّة من سان جورج . ومعلقة عسل نحل ...
لمدة أسبوع ........ وادعيلى ..

(#) عليك كل يوم "" طبق سلطة خضار محترم "" .
ودلّع الطبق . . . باللمون . خل . شطة . ملح ..... بحسب رغبتك

(#) ماتنساش .... كل يوم .
* كُل فاكهه كتير . 
* كُل خضار كتير .
* أشرب لبن كتير .
* هز الكرش . وأمشى كتير .

hioportsaid

الهيئة العامة للتأمين الصحى فرع القناة و سيناء

  • Currently 0/5 Stars.
  • 1 2 3 4 5
0 تصويتات / 1703 مشاهدة
نشرت فى 26 يناير 2015 بواسطة hioportsaid

الهيئة العامة للتأمين الصحى

hioportsaid
التأمين الصحى فرع القنال وسيناء »

ابحث

عدد زيارات الموقع

3,361,245

اجراءات استخراج البطاقات